- إنضم
- 7/2/21
- المشاركات
- 1,727
- التفاعلات
- 3,991
اولا ما سبب استخدامAIP على الغوصات
الغواصه التقليديه لما بتغطس تحت المياه فهي بتمشي و بتشغل كل الاجهزه اللي فيها عن طريق البطاريات .هذه البطاريات شبه بطاريه موبايلك بالضبط وده معناه انها بعد عدد ساعات شغل معين بتفضي و بتحتاج تتشحن .. بطاريات الغواصات اخرها في الشغل لما تبقي بطاريه جامده اوي يعني ممكن تستحمل معاك اسبوع وبعد كده لازم تتشحن .. عشان بطاريه موبايلك تتشحن فانت محتاج تحط الشاحن في فيشه الكهرباء .. بس في البحر مفيش فيشه كهرباء .. هنا بيجي دور محرك الديزل .. الغواصه بتطلع لسطح المياه تعوم زي السفينه او بتفضل غاطسه تحت المياه بس بترفع حاجه بيسموه سنوركيل Snorkel شبه النظاره اللي انت بتلبسها لما بتعمل سنوركلينج Snorkeling في البحر الاحمر .. مش بتلاقي النظاره طالع منها اسطوانه بلاستيك كده لفوق .. الاسطوانه دي هدفها انها تسحب هواء . في حاله الغواصه السنوركيل ده بيسحب هوا عشان موتور الديزل يعرف ياخد الهواء ده يحرقه مع السولار عشان يشغل مولد كهرباء Generator و المولد ده هو اللي بيشحن البطاريات .. بمجرد ما البطاريات تتشحن الغواصه تقدر تغطس تاني براحتها.
ظل الوضع كما هو حتى جائت فكره جديده اسمها AIP ودي اختصار Air Independent Propulsion .. تكنولوجيا AIP دي مش حاجه واحده .. دي مجموعه من الافكار بتتطبق مع بعضها بحيث ان الكثير من من المعدات الموجوده علي الغواصه تستطيع العمل بدون كميات ضخمه من الاكسجين .. مش كده وبس .. التكنولوجيا دي بتخلي الغواصه تمشي تحت المياه بهدوء اكتر من اللي بتقدمهولك المفاعلات النوويه كما ان الغواصات التقليديه كان اخرها الغطس تحت المياه اسبوع فقط مع AIP فالمده دي ممكن تزيد لشهر .. يمكن العيب الوحيد للتكنولوجيا دي هي انها بتقلل شويه من سرعه الغواصه .
ثانيا كيف يعمل ال AIP
الحقيقه ان سر تكنولوجيا AIP هو في شئ اسمه محرك ستيرلينج Sterling Engine لكن من نوع بيتا..بمنتهي البساطه انت محتاج فيشه(قابس) تشحن البطاريات لان الغواصه بطارياتها بتشتغل فهي بتغطس تحت المياه و محدش بيعرف يلقطها .. الغواصه بتحتاج تطلع للسطح بس عشان تسحب هواء تشغل محركات الديزل اللي بتشغل المولد اللي بيشحن البطاريات .. طب لو انا قلتلك اني لقيت طريقه اني اشحن البطاريات من غير محركات الديزل دي خالص .. اذا كان موتور الديزل فكرته ان بيبقي عندك اسطوانه فيها بستم Piston بحيث انك بتدخله هواء و سولار و البستم ده بيطلع لفوق يضغط الخلطه دي عشان السولار يوصل لمرحله الاشعال الذاتي فينفجر و الانفجار ده هو اللي يجبر البستم انه ينزل لتحت عشان يحرك عمود الكرانك ودي الفكره اللي في اي ترله او عربيه نص نقل في اللي انت بتشوفها في الشارع بس محرك ستيرلينج لا فيه انفجار ولا فيه سولار ولا فيه اي حاجه خالص .. هو مجرد اسطوانه فيها اتنين بساتم و حدافه .. حضرتك كل اللي مطلوب منك انك تدخل هواء او بعدين اكتشفنا ان الاحسن انك تستخدم اكسجين مسال عشان الدوره بتاعه Compression و Expansion هي اللي تلفف الحدافه Flywheel و بالتالي بتلفف عمود الكرانك اللي بيشغل المولد اللي بيشحن البطاريات.
اول غواصه في العالم تشتغل بفكره AIP كانت غواصه سويدي اسمها جوتلاند HSMS Gotland و الغواصه دي دخلت الخدمه سنه 1996
سنه 2005 اتعملت مناوره عسكريه شاركت فيها حامله الطائرات الاميريكيه USS Ronald Reagan و وقتها هذه الحامله جديده وكانت متكلفه 6.2 مليار دولار
. سيناريو المناوره ان Strike Group اللي هم حامله الطائرات و المدمرات اللي معاها و كمان غواصات الحمايه بتاعتها حيتعرضوا لهجوم من غواصات معاديه كانت من ضمنهم الغواصه HSMS Gotland .. في هذه المناوره الغواصه السويدي الصغيره استطاعت ان تتفادي كل الدفاعات اللي حول حامله الطائرات و تعدي وسط غواصات الحمايه من غير ما تتلقط و تضرب كذا طوربيد غرقوا حامله الطائرات
بالتأكيد هى لم تطلق طربيدات بشكل حقيقى ولكن كانت مجرد مناوره
الغواصه التقليديه لما بتغطس تحت المياه فهي بتمشي و بتشغل كل الاجهزه اللي فيها عن طريق البطاريات .هذه البطاريات شبه بطاريه موبايلك بالضبط وده معناه انها بعد عدد ساعات شغل معين بتفضي و بتحتاج تتشحن .. بطاريات الغواصات اخرها في الشغل لما تبقي بطاريه جامده اوي يعني ممكن تستحمل معاك اسبوع وبعد كده لازم تتشحن .. عشان بطاريه موبايلك تتشحن فانت محتاج تحط الشاحن في فيشه الكهرباء .. بس في البحر مفيش فيشه كهرباء .. هنا بيجي دور محرك الديزل .. الغواصه بتطلع لسطح المياه تعوم زي السفينه او بتفضل غاطسه تحت المياه بس بترفع حاجه بيسموه سنوركيل Snorkel شبه النظاره اللي انت بتلبسها لما بتعمل سنوركلينج Snorkeling في البحر الاحمر .. مش بتلاقي النظاره طالع منها اسطوانه بلاستيك كده لفوق .. الاسطوانه دي هدفها انها تسحب هواء . في حاله الغواصه السنوركيل ده بيسحب هوا عشان موتور الديزل يعرف ياخد الهواء ده يحرقه مع السولار عشان يشغل مولد كهرباء Generator و المولد ده هو اللي بيشحن البطاريات .. بمجرد ما البطاريات تتشحن الغواصه تقدر تغطس تاني براحتها.
ظل الوضع كما هو حتى جائت فكره جديده اسمها AIP ودي اختصار Air Independent Propulsion .. تكنولوجيا AIP دي مش حاجه واحده .. دي مجموعه من الافكار بتتطبق مع بعضها بحيث ان الكثير من من المعدات الموجوده علي الغواصه تستطيع العمل بدون كميات ضخمه من الاكسجين .. مش كده وبس .. التكنولوجيا دي بتخلي الغواصه تمشي تحت المياه بهدوء اكتر من اللي بتقدمهولك المفاعلات النوويه كما ان الغواصات التقليديه كان اخرها الغطس تحت المياه اسبوع فقط مع AIP فالمده دي ممكن تزيد لشهر .. يمكن العيب الوحيد للتكنولوجيا دي هي انها بتقلل شويه من سرعه الغواصه .
ثانيا كيف يعمل ال AIP
الحقيقه ان سر تكنولوجيا AIP هو في شئ اسمه محرك ستيرلينج Sterling Engine لكن من نوع بيتا..بمنتهي البساطه انت محتاج فيشه(قابس) تشحن البطاريات لان الغواصه بطارياتها بتشتغل فهي بتغطس تحت المياه و محدش بيعرف يلقطها .. الغواصه بتحتاج تطلع للسطح بس عشان تسحب هواء تشغل محركات الديزل اللي بتشغل المولد اللي بيشحن البطاريات .. طب لو انا قلتلك اني لقيت طريقه اني اشحن البطاريات من غير محركات الديزل دي خالص .. اذا كان موتور الديزل فكرته ان بيبقي عندك اسطوانه فيها بستم Piston بحيث انك بتدخله هواء و سولار و البستم ده بيطلع لفوق يضغط الخلطه دي عشان السولار يوصل لمرحله الاشعال الذاتي فينفجر و الانفجار ده هو اللي يجبر البستم انه ينزل لتحت عشان يحرك عمود الكرانك ودي الفكره اللي في اي ترله او عربيه نص نقل في اللي انت بتشوفها في الشارع بس محرك ستيرلينج لا فيه انفجار ولا فيه سولار ولا فيه اي حاجه خالص .. هو مجرد اسطوانه فيها اتنين بساتم و حدافه .. حضرتك كل اللي مطلوب منك انك تدخل هواء او بعدين اكتشفنا ان الاحسن انك تستخدم اكسجين مسال عشان الدوره بتاعه Compression و Expansion هي اللي تلفف الحدافه Flywheel و بالتالي بتلفف عمود الكرانك اللي بيشغل المولد اللي بيشحن البطاريات.
اول غواصه في العالم تشتغل بفكره AIP كانت غواصه سويدي اسمها جوتلاند HSMS Gotland و الغواصه دي دخلت الخدمه سنه 1996
سنه 2005 اتعملت مناوره عسكريه شاركت فيها حامله الطائرات الاميريكيه USS Ronald Reagan و وقتها هذه الحامله جديده وكانت متكلفه 6.2 مليار دولار
. سيناريو المناوره ان Strike Group اللي هم حامله الطائرات و المدمرات اللي معاها و كمان غواصات الحمايه بتاعتها حيتعرضوا لهجوم من غواصات معاديه كانت من ضمنهم الغواصه HSMS Gotland .. في هذه المناوره الغواصه السويدي الصغيره استطاعت ان تتفادي كل الدفاعات اللي حول حامله الطائرات و تعدي وسط غواصات الحمايه من غير ما تتلقط و تضرب كذا طوربيد غرقوا حامله الطائرات
بالتأكيد هى لم تطلق طربيدات بشكل حقيقى ولكن كانت مجرد مناوره